التخطي إلى المحتوى

هاجمت الفنانة حنان شوقي، الفنان محمد رمضان، مشيرة إلى أنها لا تستطيع متابعة شخص غير صادق.

واعتبرت حنان شوقي، أن الفنان كريم، عبدالعزيز هو «نمبر ون»، وليس الفنان محمد رمضان «الذي كان قد اشتهر بلقب نمبر ون».

وخلال لقائها مع برنامج «نص الكلام»، قالت حنان شوقي: «لما شفت كريم عبدالعزيز بيمثل في رمضان، حسيت إن نور الشريف لسة مامتش، ولا أحمد زكي مات.. هو بيشيل الوسط الفني على إيديه.. الوسط الفني تقيل بكريم عبدالعزيز»، بحسب صحيفة النهار اللبنانية.

وأضافت: «أنا مش بتابع أي حاجة لمحمد رمضان ولا أحب أتابع، مبعرفش اتفرج على حد مش صادق.. وعلى الرغم من إن عنده كاريزما، إلا أن هو اللي بيبوظ نفسه.. لأنه طول الوقت بيقلد أحمد زكي، حتى في بلع الريق». وأردفت: «أنا مابحبش البني آدم اللي بيجور على إنسان آخر.. وياخد بونط على السوشيال ميديا، ويضيع حياة بني آدم تاني.. ده ما يبقاش فنان.. ومش هشتغل معاه حتى لو إدوني ملايين الملايين..». وأكملت: «هو اللي بيعمل كده في نفسه بيصعب عليا.. لأن الغرور ساعات مش بيخلي صاحبه يعرف يتحكم فيها بعد كده».

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *